Գործնական քերականություն

Նախադասության տեսակներն ըստ հաղորդակցման նպատակի 

1. Պատմողական- նպատակը տեղեկատվություն հաղորդելն է: 
2. Հարցական
3. Հրամայական
4. Բացականչական

Տրված են նախադասություններ, նշի՛ր տեսակները.

• Ավա՜ղ, ոչինչ փոխել չենք կարող: Բացականչական
• Ո՞վ այսուհետ պետք է հարգի մեզ: Հարցական
• Զարթնի՛ր և ողբա՛ այն, ինչ էլ չենք կարող ետ բերել: Հրամայական
• Երկու օրից գնա,. կհասնեմ քաղաք, հետո կխոսենք: Պատմողական

Պատմողական նախադասություն

1.     Հաստատական

2.     Ժխտական

Նշի՛ր պատմողական նախադասությունների տեսակները: 

• Ինձ հեռվից չի կանչում, չի ժպտում, խաղաղ է հիմա ամեն ինչ: Ժխտական
• Ութ նշանավոր բանաստեղծներ էին ապրում արքունիքում: Հաստատական

Հարցական նախադասություն 

• Բուն հարցում ( Ի՞նչ է այդ գետակի անունը):
• Հարցում-հաստատում  (Դու իմ ասածները կանես, չէ՞):
• Հարցում-ժխտում (Ո՞վ կթողնի նրան այդ գործը կատարել)
• Ճարտասանական կամ անպատասխան հարցում (Ի՞նչ եմ անում այս կողմերում, ի՞նչ եմ կորցրել, չեմ գտնում):

Կետադրի՛ր նախադասությունները: 

-Դու ինձնից ի՞նչ ես պահանջում, — հարցեց Սահակը: 

Սահակը Արմենին հարցրեց, թե իրենց ինչ է պահանջում: 

-Ո՞վ է ինձ սպասում:

—Ինչպե՞ս չսիրեմ, երկիր իմ կիզված: 

Հրամայական նախադասություն

Արտահայտում է հրաման, հորդոր, խնդրանք, հանձնարարական:

Արգելական հրամայական՝  մի: 

Կետադրի՛ր նախադասությունները: 

-Լիլի՛թ, ների՛ր ինձ:

—Մի՛ հիշիր,  ինձ այդպես մի՛ գթա:

—Լռե՛լ և սպասե՛լ նոր հրահանգների: 

—Խաղա՛ղ անցիր, մի՛ սպասիր:

Բացականչական նախադասություն

Այս նախադասությունների բուն նպատակը լսողի մեջ հույզ, զգացմունք առաջացնելն է: 

Կետադրի՛ր

—Ա՜խ, մայրի՛կ ջան, մեծ է թախիծս:

—Ավա՜ղ, ոչինչ չի փոխվել: 

Լրացուցիչ աշխատանք (տանը)

Սկզբից տասը-տասներկու նախադասություն ավելացրո՛ւ, որ ամբողջական տեքստ դառնա:

Մի օր որոշեցի գնալ մի միջոցառման: Երկար պատրաստվում էի, տարբեր հագուստ, կոշիկներ, զարդեր գնեցի, այնպես որ իրար հետ սազեն: Չհաշված որ կոշիկները մի քիչ սեմում էին, դրանք միակ կոշիկներն էին որ սազում էին: Շատ չէին ցավեցնում, բայց եթե դրանցով երկար քայլել, սկսում են բավականին ցավեցնել: Միջոցառմանը մի քանի ծանոթների տեսա, բոլորը շատ ավելի հարմար էին հագնված: Երբ միացավ երաժշտությունը բոլորը սկսեցին պարել: Շատ հավես էր, տարբեր երգեր անցան, և իմ ոտքերը սկսեցին ցավալ: Ես ուզեցա գնալ նստել մի քիչ հանգստանալ բայց ճանապարհին ոտքս ցավից անհաջող դրեցի և ընկա: Բոլորը սկսեցին անհանգստանալ, գլուխս ճղել էի, արյունը գետնով հոսում էր: Ինչ որ մեկը շտապ օգնություն կանչեց, և ինձ տարան հիվանդանոց: Այնտեղ արնահոսությունը դադարեցրեցին, վիրակափեցին գլուխս և ասեցին որ ինչ որ ավելի հարմար բան հագնեմ, և արդեն կարող եմ գնալ: Ես շուտ գնացի տուն, փոխվեցի և վերադարձա միջոցառմանը:

Վերադարձս բոլորի համար անսպսաելի էր: Բայց նրանք մի պահ քարացան ու հանգիստ շարունակեցին պարել: