Շունն ու սրվակը

Շունն ու սրվակը

Իմ սիրելի շուն, բարի շուն, իմ սիրելի շնիկ, մոտ եկ, հոտ քաշիր այս անուշահոտ ջրից, որը քաղաքիս ամենապատվական պարֆյումերից եմ գնել: Եվ շունը պոչը թափ տալով, որ, ըստ իս, այդ թշվառ արարածների ծիծաղի կամ ժպիտի նշանն է, մոտեցավ ու իր խոնավ դունչը հետաքրքրությամբ հպեց սրվակի բերանին, ապա հանկարծ ահով ետ-ետ քաշվեց ու սկսեց վրաս հաչել, ասես թե կշտամբելիս լիներ ինձ: Ա~հ, թշվառ շուն, եթե ես ձեզ մի կույտ աղբ առաջարկեի, դուք հաճույքով պիտի հոտոտեիք այն, անգամ գուցե խժռեիք այն: Այդպես է, իմ տխուր կյանքի անարժան ուղեկից, դուք նման եք հասարակության, որին չպետք է բնավ նուրբ անուշահոտություն առաջարկել (դա նրան նեղացնում է),այլ պետք է տալ լոկ խնամքով հավաքած աղտեղություններ:

Հեղինակ՝ Գիյոմ Ապոլիներ

1. Բացատրի՛ր բառերը՝ ամենապատվական, պարֆյումեր, սրվակ, կշտամբել, բնավ։ 

Ամենապատվական-ամենահարգելի

Պարֆյումեր-օծանելիքագործ

Սրվակ-անոթ

Կշտամբել-նախատել

Բնավ-բոլորովին

2. Ի՞նչի հետ է համեմատում շան արձագանքը։ 

Շան արձագանքը համեմատում է հասարակության արձագանքի հետ

3. Ո՞ր հատվածում է արտահայտված ստեղծագործության ասելիքը։ 

Այդպես է, իմ տխուր կյանքի անարժան ուղեկից, դուք նման եք հասարակության, որին չպետք է բնավ նուրբ անուշահոտություն առաջարկել (դա նրան նեղացնում է),այլ պետք է տալ լոկ խնամքով հավաքած աղտեղություններ:

4. Ո՞րն է ստղծագործության ասելիքը, ներկայացրո՛ւ և շարադրի՛ր քո կարծիքը գաղափարի վերաբերյալ։ 

Հեղինակը ասում է, որ եթե դու հասարակությանը ինչ որ լավ բան առաջարկես նրանք կդժգոհեն դրանից, իսկ եթե դու վատ բաներ առաջարկես նրանք դրանք կընդունեն ու կուրախանան:

5. Ի՞նչ նկատի ունի հեղինակը, երբ ասում է ,,խնամքով հավաքված աղտեղություն,, ։ Ինչպես ես հասկանում ,,աղտեղություն,, բառը։ 

Աղտեղություն ասելով հեղինակը նկատի ունի ցածրակարգ տարբեր բաներ, օրինակ երաժշտության դեպքում: Աղտեղություն ասելով ես հասկանում եմ վատ վերաբերմունք, անիմաստություն, անճաշակություն:

Լրացուցիչ աշխատանք (տանը)

Կարդա՛ Վ․ Սարոյանի ,,Հանճարը,, ստեղծագործությունը և գրավոր պատասխանի՛ր հարցերին։