Նախագծի շրջանակում իրականացրել ենք ուսումնական ճամփորդություն դեպի
Հայաստանի առաջատար գինեգործական ձեռնարկություններից մեկը՝ «Արմենիա
Վայն»: Նպատակն էր ծանոթանալ ալկոհոլային խմիչքների արտադրության
տեխնոլոգիական փուլերին և դրանց քիմիական բաղադրությանը։
Գործարանի պատմությունը սկսվում է 2006 թվականից, երբ Վարդանյան և
Մկրտչյան ընտանիքների նախաձեռնությամբ հիմնվեցին առաջին խաղողի
այգիները Արմավիրի մարզում։ Այսօր այն հանդիսանում է ժամանակակից
արտադրության և հայկական ավանդույթների համադրություն։
Գործարանի լաբորատորիայում ականատես եղանք, թե որքան խիստ է
վերահսկվում գինու և կոնյակի որակը։ Արտադրության հիմնական
փուլերն են.
- Բերքահավաք. Սկսվում է սեպտեմբերին։
- Մշակում. Խաղողը ճզմվում է պրես-մեքենաներով և ֆիլտրվում։
- Խմորում. Գինին խմորվում է հատուկ խմորիչների օգնությամբ
(բացառությամբ «նատուրալ» գինիների, որոնք պատրաստվում են
հնագույն մեթոդով՝ առանց հավելումների)։ - Շշալցում. Վերջնական արդյունքը հասունացումից հետո հայտնվում է
շշերում։
Կոնյակի արտադրությունն իրականացվում է դասական ֆրանսիական
(շարանտական) տեխնոլոգիայով։ Թորման (դիստիլացիայի) հատուկ
սարքերի միջոցով ստացվում են տարբեր թնդության սպիրտներ.
Գինին բարդ օրգանական միացություն է, որը հիմնականում
պարունակում է.
- Էթիլ սպիրտ (ալկոհոլ)
- Շաքարներ (գլյուկոզա, ֆրուկտոզա)
- Թթուներ (գինեթթու, խնձորաթթու)
- Օրգանական ծծումբ (սուլֆիտներ)՝ որոնք օգտագործվում են որպես
հակաօքսիդանտ և պահպանիչ։
Ամփոփում. Ճամփորդությունը թույլ տվեց հասկանալ, որ ալկոհոլի
արտադրությունը բարդ քիմիական և տեխնոլոգիական գործընթաց է,
որտեղ յուրաքանչյուր չափաբաժին և բաղադրիչ ունի վճռորոշ
նշանակություն մարդու օրգանիզմի վրա ազդեցության տեսանկյունից։
