Տեսա երազ մի վառ

Տեսա երազ մի վառ.
Ոսկի մի դուռ տեսա,
Վըրան փերուզ կամար,
Սյուները հուր տեսա։

Տեսա ծաղկած այգին,
Սոսի սուրբ ծառ տեսա,
Մի հըրեշտակ անգին
Սոսից պայծառ տեսա։

Երկու բաժակ տեսա,
Ոսկի գինին էր վառ.
Երկու նիզակ տեսա,
Երկու անգին գոհար։

Սիրտս խոցված տեսա,
Վերքիս արյունն էր վառ,
Դահճիս կանգնած տեսա,
Ասի — արևս ա՜ռ…

1.Բանաստեղծությունից դուրս գրի՛ր բոլոր այն բառերը, որոնք գույն են հաղորդում: 

Վառ, ոսկի, հուր, պայծառ, ծաղկած, գինի, գոհար, արյուն, արև:

2.Ի՞նչն է գերիշխում բանաստեղծության մեջ՝ խո՞հը, թե՞ տրամադրությունը: 

Իմ կարծիքով բանաստեղծության մեջ ավելի շատ խոհ է, որովհետև հեղինակը ներկայցնում է տարբեր բաներ, ինչի վրա մտածում է:

3. Ո՞ր տողերն են բնութագրում բանաստեղծության հերոսին:

Սիրտս խոցված տեսա,

Վերքիս արյունն էր վառ,

Դահճիս կանգնած տեսա,

Ասի — արևս ա՜ռ…

4.  Ի՞նչն է ստեղծում բանաստեղծության ռիթմը՝ բառե՞րը, հնագավորո՞ւմը, տողերի չա՞փը, թե՞ մի այլ բան: 

Բոլորը իրար հետ, ստեղծում են ռիթմ:

Տխրություն 

Սահուն քայլերով, աննշմար, որպես քնքուշ մութի թև,

Մի ըստվեր անցավ ծաղիկ ու կանաչ մեղմիվ շոյելով.
Իրիկնաժամին թփերն օրորող հովի պես թեթև
Մի ուրու անցավ, մի գունատ աղջիկ ճերմակ շորերով…
Արձակ դաշտերի ամայության մեջ նա մեղմ շշնջաց,
Կարծես թե սիրո քնքուշ խոսք ասաց նիրհող դաշտերին.—
Ծաղիկների մեջ այդ անուրջ կույսի շշուկը մնաց
Եվ ծաղիկները այդ սուրբ շշուկով իմ սիրտը լցրին…

1. Անծանոթ բառերը դուրս գրի՛ր և բառարանի օգնությամբ բացատրի՛ր:

Աննշմար-անտեսանելի

2. Դուրս գրի՛ր համեմատությունները:

Հովի պես թեթև մի ուրու անցավ, մեղմ շշնջաց կարծես թե սիրո քնքուշ խոսք ասաց, սահուն քայլերով, աննշմար, որպես քնքուշ մութի թև,

3. Ո՞ր բառն է ավելի հարազատ բանաստեղծության ոգուն՝ ստվե՞րը, ուրո՞ւն, թե՞ աղջիկը: 

Ստվերը, քանի որ ավելի շատ է նշվում

4. Բանաստեղծական ո՞ր պատկերն է իր մեջ խտացնում ընդհանուր տրամադրությունը:

Կարծես թե սիրո քնքուշ խոսք ասաց նիրհող դաշտերին.—
Ծաղիկների մեջ այդ անուրջ կույսի շշուկը մնաց
Եվ ծաղիկները այդ սուրբ շշուկով իմ սիրտը լցրին…

5. Ցույց տուր բանաստեղծության կապը վերնագրի՛ հետ:

Բառերի ռիթմը, երևակայական աղջիկը:

6. Ինքդ վերնագրի՛ր բանաստեղծությունը: 

Հավերժ սեր

Fatum
Կախարդական մի շղթա կա երկնքում՝
Աներևույթ, որպես ցավը խոր հոգու.
Իջնում է նա հուշիկ, որպես իրիկուն,
Օղակելով լույս աստղերը մեկ֊մեկու։
Մեղմ գիշերի գեղագանգուր երազում՝
Այն աստղերը, որպես մոմեր սրբազան,
Առկայծում են կարոտագին, երազուն՝
Հավերժաբար իրար կապված և բաժան։
Ես ու դու էլ շղթայված ենք իրարու.
Կարոտավառ երազում ենք միշտ իրար,
Միշտ իրար հետ, բայց միշտ բաժան և հեռու,
Աստղերի պես և՛ հարազատ, և՛ օտար…

1. Բացատրի՛ր բառերը՝ աներևույթ, առկայծել, կարոտագին, կարոտավառ:

Անտեսանելի, փայլատակել, կարոտալից, կարոտագին:

2. Բանաստեղծությունից գտի՛ր համեմատություններ: 

Կախարդական մի շղթա կա երկնքում՝
Աներևույթ, որպես ցավը խոր հոգու,

Իջնում է նա հուշիկ, որպես իրիկուն,

Այն աստղերը, որպես մոմեր սրբազան,

Միշտ իրար հետ, բայց միշտ բաժան և հեռու,
Աստղերի պես և՛ հարազատ, և՛ օտար…

3. Գրավոր վերլուծել բանաստեղծությունը, ի՞նչ է ներկայացված: 

Այստեղ ներկայացվում է երկինք աստղերով լի, և համեմատում է աստղերը մոմերի հետ, հետո էլ ներկայացնում է իր սերը:

4. Ի՞նչ է նշանակում fatum, նայեք բառարաններում, համացանցում: 

Ճակատագիր